Insane Driver who alomost got me killed!!!!

First word...Alhamdulillah.....Syukur banar2 ku sal aku selamat tadi. You won’t believe what has just happened to me today! Sejarah la...1/5/2008. I got involve in an accident!!! Banar nda ku sangka kan terjadi arahku ari ane! Tadi tu aku balik rumah kajap sal kan ambil file B-@ktif ku yang tinggal di bilik. Aku drive ikut jalan Jerudong la sal kira kan elak traffic di Gadong if ku lalu sana. Masa ku on the way di tempat Jerudong atu, ada kereta ane tarus kuar simpang untuk lalu the opposite way. Yang buduhnya ia AMBIL side ku wah!!! Tekajaut ja ku tu! Apalagi, aku break mengajut la and ku pulas stereng ku ke siring! Baik ja nda sampai naik bandul di siring atu. Dapan ku lagi tiang. Mun ku lose control wa, becium eh keta ku dengan tiang lampu ah!! Yang sadis, aku mungkin ke hospital malam ane! Atu yang sadis, yang paling sadis, inalillah kali ku!! Palui! Bauta! Baie banar keta atu!! Abis betaburan segala barang sama donut ku ke lantai wa!! Sial! Sekali ku liat front mirror ku. Kononnya kan meliat nombor plat lesen keta sial atu plus kan tau what happen arah urang di belakang ku. Sal sepanjang jalan tadi, ia ampir di belakang ku kan. Orang pakai motosikal lagi. Kali masa ku liat front mirror atu, tekajut berabis ku. Orang yang pakai motosikal atu begulik wa di jalan!!! Nampak lagi tu motosikal nya mengheret di jalan dengan api2 nya. Atu ya, tarus ku signal ke siring and kuar. Manatau cedera teruk ka lelaki atu...dapat ja ku call kan ambulance or what-so-ever. Masa ku aga ia, ada kereta tucson putih pun ikut beranti. Anak beranak la kuar and betanya what happen arah kami. So, ku gitau la sal keta bauta atu mengambil jalan kami masa ia kuar simpang. Dah tah mengambil jalan, macam nada urang besalah lagi tu memanjut meninggalkan kami!! Mana nda palui c baie atu!!! Nda responsible wah!! Thanks to durang anak beranak yang cuba confront kami. Yang sakitnya lelaki yang begulik atu la! Paddle moto nya patah, tempat tangki minyaknya garit memanjang, enjin nya lagi ampir2 nda mau di stat. Yatah nyangku, palui bauta keta atu!! Yang ku bangang ah, ia nda beranti wa...patutnya mun ia terasa ia atu BERTANGGUNGJAWAB sal ia ampir2 buat kami berdua accident, ia patut beranti and say SORRY!!! Ane macam c palui wa meninggalkan kami!!! Memang baie banar orang atu!! Nah, kuar wa sumpahanku! Nasib baik keta ku nda ampit rusak. Nganya masa ku break mengajut atu, bebunyi screeching la break ku ah. Takut ku pulang tayarku pacah ka, apa kah...But, still alhamdulillah, aku selamat. Nada calar apa2 macam lelaki tadi. Kesian pulang ku meliat ia. Kaki nya sama bahunya labam la. Seluarnya koyak. Nasib baik ia ne muscular, mun kurus lidi, makin rawan ati ku meliat usulnya. Yang ku dapat cam ja keta c baie atu jenis Rav4 baru empat pintu, warna dark grey and plat lesen nya yang ku sampat teliat ada KL di dapannya. Keta baru...tapi drive macam c palui!! Mabuk kali pakah!! Baru dapat lesen kah??!! Cana bleh ia pass lesen atu kan?? Heran ku!!! Yatah nya mama, nda batah urang atu...haha...mau nya tarus ku langgar wa tadi ketanya. Tapi effect nya arah kami bedua so nda ja ku mau tu. Eeeeeee....garamati ku banar eh! Sampai aku menangis wa dalam keta time driving atu sal garamati kan c baie ah! Aku nangis, satu, sal shock masih, dua, sal aku nda dapat catch plat lesen c baie atu! Mun dapat wa, ku repot selajur arah polis sama mahkamah. Masa nie lagi aku beguna usin, ku fine ia eh sipun tah aku sama keta ku nda papa! Nda ku dapat maafkan c baie atu selagi ia nda minta maaf arahku sama lelaki tadi. Mun ia kan minta maaf wa, pandai2 tah ia mencari kami!